drü sache weti schnell so zwüscheddure loswerde:
1.
hehe, d'sandra hädmer grad de spruch gschickt. das isch recht passend zu de wuche. mer muess dezue na säge, dasi mi scho chli anes lockerers läbe gwoehnt han und mich eigentlich da chli uf ferie in edmonton igstellt han. aber d'zämearbet mit kanadier vollziitstudente isch nöd immer ganz eifach... (s'spektrum gaht vo churz inicke während de gruppe-besprechig bis alles elei wele mache und s'endgültige dokument nöd wele userucke)
2.
und zuesätzlich namal öpis: hüt ischs jetzt langsam richtig richtig chalt - find ich! han scho min wintermantel a und am morge öpe 2 minute dusse müesse laufe. de rescht chamer alles im innere laufe, die händ sich zum glück öpis überleit... aso das heisst, ich muessmer en ultra warme mantel oder en ganz-körper-antarktisazug chaufe
3.
halloween staht vor de tüür. da mir scho es hawaii-kostüm händ, werded mir das wahrschinli chli modifiziere und gruslig mache. jetzt chömer euis endlich um das kümmere, wil prüefige und abgabetermin verbi sind. aso ideä sind natürli willkomme :-)
ah isch jetzt scho de 4. punkt, aber chuntmer grad in sinn: rezept-ideä sind au immer gern gseh, speziell schwiizerischi für gäscht oder zum irgendwo mitbringe. Potluck isch da ziemli agseit, das heisst jede nimmt eifach öpis z'ässe mit und denn wird teilt.
so, in diesem sinne, bis bald,
ich
2 Kommentare:
Ciao Bella
Hihi, du entschuldigsch dich immer, dassd so wenig schribsch, aber i bi jo nid besser :P
Händ di ar Zugermäss schochli vermisst. D'Frauequote isch nemli abem achti schlagartig uf Null gsunke, wod Martina, d Corinne und i hai sind (so vernünftig bini ohni mis Bettli in Metti - nemli). Han diar do no ais-zwai verwaggladi Bilder https://picasaweb.google.com/103259040305753880596/ZugerMass?authuser=0&feat=directlink ;) De Riste isch rächt blau gsi - kais Wunder: hätten jo niemert vorgwahrt, was üsi Männer so alles verliided. De Dani und de Colin händ sich defür übers Zuckerwasser ufgregt und sus isch aigetli nid so vill los gsi. D Sunshine-Bar hämmer dasmol fascht völlig verschmäht (sind jo z früa widr hai). Au üsers Donnschtigobet-Piar isch irgandwia bitz hänga bliba - sötti jetzt aber im November endli widr mol stattfinda.
Fürd Studiewuche goht üsi Klass noch Karlsruhe und Stuttgart und undersuecht d Verchäuf vo LKW-Zubehör. S Projekt nennt sich drum au: Pimp my Truck. haha, de Brüller - wenigschtens chömad miar ussi us de Schwitz und chönd no da Wianachtsmarkt chli unsicher mache übers Weekend. Sus isch mini Motivation mol widr ufem noia Höhepunkt (im Negative) und es dümplet alles so vor sich hära, bises denn ans igmachte goht. Also zimli alles bem Alta ;)
Was du üs i dim Blog natürli gänzlich verschwiigsch sind d Männergschichta - das interessiert üs doch brännend ;D Vor allem wenns so Föteli gitt, wo d Anita als ainzigi Frau ame Tisch mit Männer sitzt ;)
Aber i beniide di scho um dia vila Exkursione wonner mached - und die vila Bilder.... schööööön! De Romaaaan hätt au vo sim Trip uf Canada & Alaska verzellt und mis Fernweh wird immer grösser, je meh Arbet s'gitt a de Hochschuel...
Für din Ichauf hetti denn do no en Vorschlag: http://www.fashionchicks.co.uk/wp-content/uploads/fashionchicks.co.uk/2007/08/skisuit.gif
Sorry au no, dasi wäge de Dozenta nid han chönna helfa. I hoffa, du häsch jetzt öpper aschtändigs gfunda.
Übrigends: Obersaxe isch widr buecht - de Roger mälded sich mit Datene, sobald ärs mit de Familie abklärt hätt. Nid, dases diar do denn widr langwilig sötti wärda :P
Big huuuuugs us de ar***chalte Schwitz,
Maria-Chäfi
aaaaaaaaaaaaaaaaaaah, d'maria häd de award für de längschti kommentar gunne!!! kuuul :-) in kanada gits priise für alles :-) aso de mit de männer, es häd eis einzigs föteli wo nur ich und männer druf sind, oder?! ;-) ich grife das thema uf, muessmer nur na öpis dezue überlegge, hihi. und denn zugermess wäri ja soooooooooo gern debi gsi und denn chumi es sms vom roger über und wil mis iphone bitz kaputt isch irgendwie, hani das sms es paar täg immer wieder gschickt übercho, das heisst, ich han immer schön a eui chöne denke :-) ahahahah, freuimi scho ufs wuchenend, aber gäbed am colin en andere job alser s'letscht mal gha häd :-)) (übrigens hanis jetzt schwarz uf wiss, dasses au en kulturschock git, wämer wieder zrugg id heimat chunt - das wuchenend hilft denn sicher degäge azkämpfe...)
huuuuuuuugs
Kommentar veröffentlichen