Es drängt sich wieder mal en itrag uf... Da ja ä schwizerin vermisst wird in mexico. Wiä ich jetzt usegfunde han, bini glaubs sogar am gliche ort gsi. Also äs gahtmer guet, sehr guet sogar...
Palenque isch mega schön gsi, mir händ es zimmer i de nächi vo dä ruine gna bitz im wald und i dä nacht sind d'tiergrüsch so luut gsi, dasi han müäsä ipod losä zum ischlafe. D'ruine sind au voll dä hammer gsi und äs isch sooo heiss gsi, ich wet eui ja nöd nervä demit, aber ich han fascht nüm chöne laufe, so heiss isch gsi. Und bim zrugglaufe ischs voll go regne cho, voll gmüetlich gsi :-)
Ja suscht gits nöd vil zverzellä, isch eifach alles schöön womer gönd go aluege, drum tueni eifach föteli dri. Vo palenque us simmer nämli na zwei wasserfäll go aluege, wo würkli voll cool sind.
Ide zwüscheziit simmer scho wieder in san cristobal de las casas und morn gahts witer uf mexico city... Vo det wirdi wahrschinli scho gli wieder zrugg richtig playa del carmen gah, dasi na äs paar täg det han, jetzt wos cooli lüt det häd. Und dänn chunt ja scho gli d'lucia id feriä zu mir :-) Dänn gahts denn uf tulum, freuimi druf, das wird cool!
Jetzt da in San Cristobal ischs rächt chalt, wils höch obe isch. Aber d'stadt wär mega schön...
Liäbi Grüässlis
Anita
 |
| Palenque |
1 Kommentar:
Mir freued eus immer so uf en neue Itrag also gib ich au mal min kommentar.Ich cha nume säge mich gluschtets sehr au mal i die Gägend z gah.Obwohl momentan isch es da i dä Schwiz au wunderschön! D Täg wärded länger und d Sunne schint scho echli wärmer.Z Nacht isch es allerdings na sehr tschuderig gelinde gseid.Jetzt wünsch ich dir und dim Bsuech us dä Schwiz erholsami Ferie da ja reise schints kei Ferie sind.Machs witerhin guet. Mueti und Familie
Kommentar veröffentlichen